موسوعة الطبخ

طريقة عمل الكنافة المصرية السادة في 30 دقيقة

الكنافة من الحلويات الشرقية المشهوره واللي كتير مننا بيحبوها . لكن بيفضلوا انهم يجيبوها جاهزه عشان خايفين انها تفشل او تتفك منهم وهما بيقدموها . عشان كده هقولكم النهارده طريقه وتكّات الكنافة الي تخليها بإذن الله تطلع مظبوطه ومتفكش منكو ، خلونا نشوف مع بعض طريقة عمل الكنافه السادة وهي الاساس لجميع انواع الكنافة زي الكنافه بالقشطة والكنافه بالمانجه والكنافه بالنوتيلا

تعالوا نشوف مع بعض مقادير الكنافه بتاعتنا مكونات سهله وبسيطه ومتوفره في كل بيت

مقادير طريقة عمل الكنافة السادة

  • نص كيلو من الكنافه المتفرزه ( محطوطه ف الفريزر ومتجمده )
  • نص كوب او كوب الا ربع من السمنه السائله
  • نص كوب من السكر البودره (اختياري)

مقادير السيرب

  • كوبايتين من السكر وممكن تستبدليهم بكوب سكر ومعلقتين عسل جلوكوز او عسل نحل
  • كوبايه مياه
  • عصير نصف ليمونه

نيجي بقا للطريقه

طريقه عمل الكنافه

  • قومي بفرك الكنافه جيدا حتي تتفتت جميعا وتصبح خاليه تمام من الكتل
  • اسكبي السمن ع الكنافه تدريجيا وادعكيهم جيدا حتي تتشرب جميع الكنافه السمن بالكامل لحد ما تصبح كأنها منديه بالسمن ليست ناشفه ولا معجنه ويمكنك إضافة سكر البودر
  • قومي باحضار صينيه وادهنيها جيدا بالسمن في جميع الاتجاهات وحروف الصينيه
  • افردي الكنافه على الصينيه واضغطي عليها جيدا من الحواف والمنتصف وجميع الاتجاهات ، يمكنك استخدام صينيه مقاس اصغر او حله لتساعدك على الضغط جيدا حتي تتماسك الكنافه ومتفكش وانتي بتقلبيها ، الخطوه دي مهمه جدا
  • بعد ما تفردي الكنافه ف الصينيه اسكبي عليها معلقه او اتنين من السمن على الوش
  • دخليها على فرن ساخن على درجه حراره 220 على الشبكه الوسطانيه لحد ما تاخد اللون الدهبي من الجوانب ، لو مخدتش اللون من الوش اطفي الفرن وشغلي عليها الشوايه كام دقيقه تاخد اللون الدهبي

 

طريقه عمل السيرب

  • ضعي السكر والماء في حله على نار متوسطه لحد ما يغلو واول ما يغلو وطي النار عليهم خالص لحد ما السيرب يستوي ويبتدي يتقل
  • تعرفي منين ان السيرب اتعمل وبقا كويس ؟ هتجيبي المعلقه الي بتقلبي بيها السيرب وهو على النار وتاخدي بصابعك جزء بسيط منه ، لو لقيتيه بيلزق وبيعمل زي العسل كده وبيسيب حاجه زي خيط يبقي هو كده تمام
  • اضيفي عصير نصف الليمونه واطفي عليه
  • اتركيه ليبرد ثم وزعيه على الكنافه على الجانبين حتي تتشربه بالكامل

يمكنك تقديم الكنافه ببعض المكسرات مثل الفستق واللوز المطحونين وقدميه بالهنا والشفا

 

ودي كانت طريقة عمل الكنافة المصرية السادة جربيها وقوليلنا رأيك فيها في تعليق

وسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقالات مرتبطه

زر الذهاب إلى الأعلى